'#AlDubEBTamangPanahon', nakatala na sa kasaysayan ng Twitter

SABAY ang launching nina Alden Richards at Maine Mendoza bilang endorsers ng Bench. 

First time man mangyayari na sabay ang launching ng dalawang sikat na artista para sa kanilang endorsements.
Si Alden ang endorser ng Fix Bench Salon at Clay Doh Lite. If we are not mistaken, ito rin ang produkto ng Bench which is being endorsed by Daniel Padilla, meaning kapwa sila endorser ng nasabing product.
Ang ilo-launch naman ni Maine ay ang kanyang Dab of Love scents na unang ilabas sa Trinoman ay sold out agad ang lahat ng variants.
Ang launch nina Alden at Maine bilang endorsers ng Bench ay gaganapin on March 30, 5 p.m. sa Trinoma Mindanao Open Parking.
Another bit of good news para sa AlDub Nation ay tila tuloy na ang launching movie ng AlDub.
May kumalat ng picture sa social media na tila meeting ng APT Entertainment para sa movie kasama si Direk Mike Tuviera.
Masaya ang AlDub Nation dahil sa 10th year anniversary ng Twitter noong Lunes ay inanunsiyo na kasali ang #AlDubEBTamangPanahon sa Five Key Tweets that Made Record-Breaking History ng Twitter bilang Most Used Hashtag in 24 Hours.
Nakatala na sa kasaysayan ng Twitter ang 40 million plus tweets tungkol sa paghaharap nina Alden at Maine sa Philippine Arena noong October 24 sa no-commercial break live telecast ng Eat Bulaga.

(March 24, 2016 @ People's Balita)

Xian, bumalik na naman sa dating walang kalatoy-latoy na acting

MAY mga iilan na iniintriga na naman ang acting ni Xian Lim sa kanyang latest serye with Kim Chiu na The Story of Us.

      Ayon pa sa mga ito ay bumalik na naman daw ang actor sa dating walang kalatoy-latoy na acting, huh!
Kumbaga, sa pelikulang Everything About Her with no less than the Star for All Seasons Vilma Santos na kaeksena niya, napaarte ni Direk Joyce Bernal ang Kapamilya actor pero dito raw sa latest teleserye ay blangko na naman daw ang nakikita ng mga detractors ni Xian, huh!

But in all fairness, kung may naninira, higit na mas marami sa mga nakausap namin ang mas pinupuri ang pagganap ni Xian sa kasalukuyang top rating teleserye nilang dalawa ni Kim.
Kumbaga, ang ipinakita niyang pinalakpakang acting sa pelikulang Everything About Her ay nadala niya hanggang sa The Story of Us.
“Naiinggit lang ang mga ‘yun kay Xian, dahil sa totoo lang naman, eh, actor na ngang matatawag siya at hindi kagaya ng iba riyan na pagpapa-cute pa rin ang alam,” sey pa ng isang talent handler na nakausap namin.
Dagdag pa rin ng tagapagtanggol ni Xian na sa ipinakitang acting ngayon ng actor ay hindi raw malayong kilalanin na rin siya bilang isa sa mahuhusay nating artista na kagaya nina Coco Martin, Piolo Pascual, Dennis Trillo at iba pa.
      Komento pa rin ng kausap naming na bukod daw sa malaking improvement ni Xian sa acting ay puring-puri na rin ng lahat ang husay niya pagdating sa pagho-host sa mga prestigious pageant at awards night at ang latest nga ay ang katatapos na PMPC's Star Awards for Movies.

(March 23, 2016 @ People's Balita)

Show nina Ai Ai, Manay Lolit at Joey, mawawala na sa ere

KINUMPIRMA sa amin ng kaibigang kagawad at katotong Ronnie Carrasco na mawawala na sa ere ang programang CelebriTV ng GMA 7. 

      May ilang linggo na lang sa ere ang nabanggit na show at sa darating na May 7 ay hindi na raw ito mapapanood ng televiewers, huh!

Hindi inabot ng isang taon ang programang hino-host nina Manay Lolit Solis, Joey de Leon at Ai Ai Delas Alas. Last September lang ito umere at pagkatapos ng walong buwan ay sibak na sa ere ang programang pumalit sa sinasabing longest showbiz oriented talk show na Star Talk na inabot ng more or less dalawampung taon napapanood sa Kapuso network.

     Siyempre, desisyon ng GMA management ang pagkawala sa ere ng programa. Kahit na may mga sponsors pa rin naman ang show, still, kailangan pa ring magre-rate ang programa, huh!

Heard pa rin naman namin mula pa sa isa pa rin naming source na may kapalit na programa naman daw sina Manay Lolit at Joey.  Pero hindi na sa dati nilang timeslot dahil isang programa raw ng public affairs department ng Siyete ang mamahala na ng oras na 'yun.

Samantala, ayon pa rin sa kausap namin, ang iiwanang studio raw ng CelebriTV ay gagamitin naman ng programang Wowowin ni Willie Revillame na siguradong ipababago at pagagandahin nang husto ng huli.

(March 23, 2016 @ People's Balita)

Jake, inalalayan nang husto nina Alden at Maine sa kauna-unahang pag-arte

MAMAYA na mapapanood ang unang pagtatangka ni Jake Ejercito na umarte sa isang seryosong story, sa Eat Bulaga Lenten Special titled “God Gave Me You,” kasama ang phenomenal love team nina Alden Richards at Maine Mendoza. 

Inamin ni Jake na kinakabahan pa rin siya kung ano ang kinalabasan ng acting niya hanggang hindi pa niya napapanood ang kabuuan nito.  

Overwhelmed daw siya sa treatment sa kanya ng mga kasama niya sa trabaho, sina Alden at Maine at ang staff.   Alam daw niyang sumakit ang ulo ni Direk Gina Alajar sa kanya sa one day workshop niya dahil hindi niya maibigay ang emotion na gusto nito pero napakabait daw at napaka-patient nito sa kanya kaya labis-labis ang pasasalamat niya na nagampanan din niya ang role niya.  

Sana raw ay hindi rin niya pinahirapan si Direk Joyce Bernal, na siyang nagdirek ng episode nila.

Sa story, best friends sila ni Alden, girlfriend niya si Maine.  Ayaw mag-spoiler ni Jake, kaya ayaw niyang sabihin kung paano napunta si Maine kay Alden.  

Alam daw niyang magugustuhan ng mga fans ng dalawa ang twist sa story.

Kumusta namang katrabaho sina Alden at Maine?

“Una kong na-meet si Alden sa taping na namin ng GGMY bago ko siya nakasama sa kalyeserye. Mabait si Alden, inalalayan niya ako sa mga eksena namin, kaya naging comfortable ako agad na katrabaho siya.  Bilib ako sa sipag niya, nakikita mo nang pagod siya pero hindi siya nagrireklamo, work lang siya nang work.  Nauna pa nga akong na-pack-up noon, naiwanan ko pa sila ni Maine.

    “Si Maine, nakatrabaho ko na nga muna siya sa kalyeserye bago ang taping namin ng GGMY.  Pero with Maine, mas mahirap ang mga eksena ko kasi, drama, kay Alden, light lang kasi nga best friends kami.  

"Si Maine, very humble, quiet lang.  Sa kanilang dalawa, si Alden ang mas outgoing, kaya thankful ako sa pag-alalay nila ni Maine sa akin sa mga eksena namin.  

"Kaya lamang, hindi pa kami nagkausap nang matagal na tatlo, kasi silang dalawa laging ngarag sa dami ng trabaho.”

    Sa kabila ng naranasan na niyang maging artista, hindi pa rin pala sure si Jake kung tuluyan na niyang papasukin ito.  May one year pa siya to finish his studies sa Singapore. 

Bumalik lamang siya rito dahil may two weeks vacation siya na natapat din sa paggi-guest niya sa GGMY, pero babalik din siya roon after ng Holy Week.     

(March 23, 2016 @ People's Balita)                                                                                   

Vince, naghahanda na sa bagong play na tiyak na magiging kontrobersyal

NASAKSIHAN namin ang huli at ika-535th staging ng #popepular 

na sinulat, dinirek at pinagbidahan ni Atty. Vince Tañada na ginanap Adamson University noong Linggo, March 20.

Sa lahat na mga nagawang musical play ng Philippine Stagers Foundation na magsi-celebrate na ng kanilang 15 years, ito ang masasabing pinaka-successful dahil nalampasan na nito ang record na naitala ng Bonifacio na may 520 shows nationwide.

     Ayon kay Vince sa 535 shows na nagawang kanyang grupo, ang pinaka-memorable sa kanya ay, "Iligan, kasi 50 percent ang audience, mga Muslim.

  "Marami talagang nanonood, noong una marami ang natatakot sa mga organizers, dahil tungkol sa Pope Francis ang musical play.

     "Pero the fact that they bought tickets, that's something.  We continue the show and show them kung sino si Pope Francis.

     "Hindi naman siya nagtuturo ng religion.  May isang kanta dun na, 'Diyos ko'y Diyos ninyo, iisa tayo'.

    "So, regardless of the race, color and religion, we only have oneGod.

     "And the most important thing of this musical, ayaw niyang ipilita sa 'yo na maging Kristiano.

     "After ng show, yung isang Muslim, in-embrace niya ako, tapos may binigay siya sa akin na balabal, minana pa raw niya 'yun sa magulang niya.

     "Tapos they were crying nang makita nila 'yun.  Tapos sabi nung parang pinaka-leader nila, 'Pope Francis is sa dear friend of Muslim community, and now, you are a dear friend of ours, please comeback.

     "Na-touch ako, grabe 'yun effect nang nagawa ko.  In the beginning we were anxious, we were afraid, baka magwala sila.

     "Pero sa play, meron dun part na hinalikan ni Pope Francis ang feet ng isang Muslim woman, so, parang na-touch daw sila.

    "Tapos pinapakita namin na paano kung isang Pilipino si Pope Francis at pinakita ang ibat-ibang heroes ng bansa natin.

    "So, talagang nakakakilabot ang nangyari sa Iligan.  Sa Mindanao tour namin, we stayed there for almost a month, nakapunta kami ng Surigao, Butuan, Cagayan de Oro at Ozamis City.

    "Sabi ko parang, it's really a challenging work for me. I never thought that I can market Mindanao with this play of Pope Francis."

    Dagdag pa ni Vince, "Sabi ko, I really need to do this, dahil kailangan nang matapos ang pagtingin nila sa bilang entertainer, ganun naman palagi pag nasa teatro ka o sa pelikula, entertainer yan, parang payaso.

     "Dapat meron na akong ibang purpose in life.  So, I'm here not only to entertain, but to educate and inspire.

   "And now I'm also here to evangelized.  So, parang grabe naman ang ibinigay sa akin ng Panginoon na duty.

     "Kasi ngayon nag-iisip-isip na ako kung ano ang susunod namin play na magsisimula na sa July with a new President and Vice President.

     "Actually, nagsisimula na akong mag-research, pero hindi ko pa pwede sabihin kung ano ang magiging tema.

    "Pero may kinalaman ito sa Martial Law, based on my experienced.  

"I know, magiging controversial ito, 'yun totoo lang naman ang ipapakita ko, ang mga naranasan ko, but no one can stop me to write and staging this new production."

(March 22, 2016 @ People's Balita)

LA Santos, nangakong maraming pasabog

Mikael, ayaw pa ring lagyan ng label ang relasyon nila ni Megan

SABI ni Mikael Daez, nagulat siya when he was told na siya ang gustong kunin ng GMA 7 para maging leading man ni Ms. Regine Velasquez sa bagong GMA primetime soap na Poor Señorita.

  Ayon pa kay Mikael, malaking karangalan para sa kanya to work with Regine. Nakatrabaho niya sa Bubble Gang ang hubby nito na si Ogie Alcasid at mataas ang respeto niya rito. Kaya he will also treat Regine with respect.

   At take note, may kissing scene at love scene sila ni Regine. Maayos naman ang naging takbo ng shoot ng nasabing eksena. Pero siyempre di pa rin maiwasan ni Mikael mailang.

Panay ang posts nina Mikael at Megan Young ng mga trips nila together. 

Pero wala pa rin inaamin ang binata sa kung ano ba ang estado ng relasyon nila ng dating Miss World.

Sabi ni Mikael, ayaw niyang lagyan ng label kung ano man ang relasyon nila ni Maegan.

“What you see is what you get,” sabi pa ng guwapong binata na host ng segment  na 'Midnight Express'.

Sa March 28 ang premiere telecast ng Poor Señorita sa GMA 7.

(March 22, 2016 @ People's Balita)

Movie nina Nora at Coco, mayroon ng pirated copy

MAY nabili raw na pirated copy ng Sa Ngalan ng Ama, ang movie na prinodyus ni Coco Martin at pinagsamahan nila ni Ms. Nora Aunor. 

Nagtataka ang mga fans ni Ate Guy kung paano nagkaroon ng pirated copy ang movie eh sa abroad pa lang ito ipinalabas.

Inaabangan din ng mga fans ni Ate Giy ang two-year-old film na Whistleblower na ipalalabas on April 6. Napapanahon ang pelikula dahil may hawig ito sa Napoles case.

Tampok sa movie na dinirek ni Adolf Alix, Jr., bukod kay Ate Guy, sina Laurice Guillen, Angelica Panganiban at Cherry Pie Picache.

May panawagan ang fan groups ni Ate Guy na sana ay panoorin ng mga fans ng aktres ang Whistleblower para maging blockbuster ang movie.

Ipinagmamalaki ng isang fan group sa FB na may 10,000 likes na ang trailer ng movie sa Facebook.

Pero wala naman saysay kahit marami ang likes ng trailer ng movie kung sa pag-open nito sa sinehan ay wala naman manonood.

(March 22, 2016 @ People's Balita)

Jennylyn, balitang pinagbubuntis ang anak ni Dennis

MUKHANG kumpirmadong buntis ngayon ang actress na si Jennlyn Mercado sa actor na si Dennis Trillo ayon sa aming source.
Isa sa mga araw na ito maglalabas na ng pahayag ang kampo ng actress dahil hindi na nila maitatanggi ang paglaki ng tiyan ni Jennylyn.
Parehong single parent ang dalawa, Si Jennylyn may unang anak sa actor na si Patrick Garcia. Si Dennis naman may anak sa dating beauty queen na si Carlene Aguilar.
Ngunit kamakailan itinanggi ng actor ang pagbubuntis ni Jen, but the truth will always prevail!
'Ika nga lalabas at lalabas din ang katotohanan, walang lihim ang hindi pwedeng mabunyag. 
Alam mo na Dennis ha?

(March 22, 2016 @ People's Balita)